河川文學拾之三：咱ㄟ夢干置這

2008.12.8 Mon作者: 張錫塒 （請用台語唸）
美麗ㄟ埠岸，干有咱ㄟ夢
聽講置卡早，有人為就地盤
置河邊咧相打，不過嘛有人捉魚蝦咧過生活

今嘛ㄟ埠岸，干有咱ㄟ夢
講起就今嘛，四界攏是紅毛土ㄟ埠岸
熱天真燒，冬天擱未擋寒
這落建設干乎人有希望

魚蝦在這找嘸縫
因為這根本找嘸沙
只剩黑擱臭ㄟ爛糊仔
干講這就是這塊土地ㄟ運命

未當喘氣失去就希望
干講這就是咱以早偎靠ㄟ埠岸
置咧河邊惦惦未出聲
乎大家糟蹋乎大家咧污染

咱ㄟ夢干置在？
咱對河川ㄟ心是走到藏？
咱何時才會看破？
咱ㄟ付出到底是為就誰人？